Annerdaags in Haschenbrok....
Wie schrievt dat Jahr 1994 na Christi Geburt.
Dat iss en wunnerlich mojen sonnigen Dag in Haschenbrok un Egon Schrader holt sien nee kööften Opsittmeiher ut de Garasch.
De Nohbersjunn, wie nömt em mal Peter Arnke, föhrt jöss sien irsten Snitt, mit sien nich so heel originol getreuen "HAKO", in`n Kompost.
Bie den Anblick van sien Nahber mit den Nigel-Nogel-Neen Opsittmeiher wurd em gliecks ganz anners un forderte em to en Rennen op.
Ut nich mehr natovolltreckbaren Grünnen wurd door aver nick`s ut.
Eenige Daag later versammelten sick eenige Haschenbroker to een Reservistenmarsch.
Na een beeten Alkoholgenuss keem disse lütje Geschicht van den beiden Kontrahenten woller op`n Disch.
Un denn ging de Phantasie mit de jungen Kirls döör.
Dor wurd von en Opsittmeiherrennen mit över Hunnert Tookieckers snackt, twee Promill later von över Dusend,
dat schull een Volksfest wirn, dat den Oldenborger Kramermarkt in`n Schatten stellen schull, dor wuurn Stadien plant un ...un ...un ...
Un datt wirt. Passierte iss nicks. Gooor nicks.
Dat irste Haschenbroker Opsittmeiherrennen weer sturben! Un dat weer uk so bleeben...
...wenn dar nich ...
Jo, wenn dar nich en Grupp ut een Nohrberdörp von disse Wahrnsinns Idee hört haar un sülls en Opsittmeiherrennen op de Beene stellen wullen.
Watt, wer bis Du den ?
An Morss hangt de Hammer!
So nich mien Jung!
... und denn gung alns heel gau.
Werbung wurd makt, een Streek op`n Heidesportplatz in Hengstlaag afsteeken, en Imbiss organisiert un en Getränkebuud opstellt.
Fääddich!?!
Am 05.06.94 start pünktlich um Klock twee dat irste Haschenbroker Opsittmeiherrennen un de Lüüd keemen un keemen un keemen.
700 Lüüd wurn täält, un se hebt us dichtparkt, alns weg drunken un eten, un staunt hebt se över disse Wahnsinns Kisten un ehre waaghalsigen Fahrer.
Dollll!
Im Jahr daropp wurd en beeten mehr Organisation afverlangt.
Een Opsittmeiher-Pullung keem darto. 1.500 Motorsportbegeisterte keemen, um sik dat Spektokel antodoon.
1996 3.000 (in Wörr: dree Dusend) Fans keemen um disse Riesengaudi mittobeläven.
Un "Wi wirr`n in Puschenkino". ARD, SAT1 un RTL övertragen (fast Live) an Abend Utschnitte von unsen Rennen.
1998 De Konkurrenz kump. Dar gift noch mehr Opsittmeiherrennen in Dütschland! Wi sind nich alleen op de Welt.
Geil. Dar keemen Deelnehmers ut Sötenich (Eifel), un ut Bremen to us Rennen. Logo, wi wir`n uk bie de.
Wi hebt nich so richtig wunnen, over düchtig fiert, datt hebt wi.
Een Jahrdusend geit to Enn, aver een ooln Opsittmeiher watt nee to`n Leben wach makt.
Een Männermaschin: deeper, breeter un mit en Riesenutpuffrohr. "Bibo" föhrt irstmols bien 6. Haschenbroker Opsittmeiherrennen.
He kem, föhr un wer twei. Schaad egentlich.
Am 22.04.01 wurd ganz offiziell de Indrogene Vereen "Opsittmeiherteam Haschenbrok i.V." grünt, mit all`n drum un dran, so mit Vörstand un Versammlung un so.
Anlässlich to us teihnten Rennen (dat mött man sick mool vörstelln, all teihn Rennen), geef dat am 17. Mai 2003 een Riesenfier op usen Heidesportplatz.
Denn hebt wi mool en beeten Rescherschiert off dat noch öllere bestehende Opsittmeiherrennen in Düütschland gift.
Un wi hebt faststellt: NEE. Dat Haschenbroker Opsittmeiherrennen iss de Mudder all dütschen Opsittmeiherrennen.
...un de Tookunft ?
Dat mit dat Volksfest hebt wi all schafft. Goot Toogeben, de Oldenborger Kamermarkt is noch nich so heel in`n Schatten stellt,
aver viellich jo bold, un denn wat Stadien boot ... un ... un ... un ...